Goierri Valley-k Hannover Messe azokan parte hartu du stand-arekin. Mundu mailan industria sektoreko azoka garrantzitsuena da, aurtengoan 5.800 erakusle eta 210.000 profesional jaso dituena. Horrez gain, azken urteetan Industria 4.0 gaietan erreferente bilakatu da. Stand-ean zortzi enpresa izan dira: GetSubsea, GH Cranes, Gune, Hine, Indar, Jaso, Leberri eta Ogei.
Azoka honek elkarteari nazioartekotze mailan bere burua aurkeztea ahalbidetu dio, etorkizuneko lankide potentzialekin kontaktuaz lortuaz. Hala nola, Ekonomia Garapen eta Azpiegitura Sailburua, Arantxa Tapia; Industria Sailburuordea, Javier Zarraonandia; Teknologia Berrikuntza eta Lehiakortasun Sailburuordea, Estibaliz Hernaez; eta SPRIko Zuzedariaren, Alex Arriolaren bisitak jaso dituzte.
