20181121 125232 1

Goiekik pasa den irailean, Garapenen eskutik, Frantziako Pau Béarn Pyrénées mankomunitatera egindako bisitaren ondotik, bertako delegazio baten bisita jaso dugu. Euskadi mailan garatzen ari diren hainbat proiekturen artean, Goiekik enpresen arteko lankidetzaren sustapenaren ondorioz sortutako Goierri Valley Elkartearen aurkezpena burutu zaie.

Bertan Goierri eskualdearen, Goiekiren eta Goierri Valley-ren ezaugarri orokor, erronka eta etorkizuneko elkarlaneko proiektu posibleen berri eman zaie.


Besteak beste, aeronautika eta geozientzien sektoreetan zentratuta dagoen mankomunitatearekin harremanak estutzen jarraituko da Goiekitik, etorkizuneko proiektu posibleak identifikatzeko helburuz.