Parisko Midest azokan izan da Get Goierri Basque Country
Goierriko ETEen taldea, Get Goierri Basque Country, Parisko Midest azokan izan da. Midest Europako azpikontratazio azoka handienetarikoa da, bertan munduko 39 herrialdetako 1.600 erakusle baino gehiago izan dira eta 68 herrialdetako 34.000 bisitari baino gehiago.
Nazioartekotze bidean Goierriko enpresa azpikontratistentzako azoka interesgarria izan da, baina ez bide horretan bakarrik: lehiakide lokal eta internazionalak zertan ari diren ikusteko aukera izan dute. Goierriko enpresek nazioarteko azoka handietan egoteko gaitasuna badutela izan da ondorio nagusia.