En Goieki te asesoramos.

Covid-19-ak sortutako egoera zail honen aurrean, inguruneko enpresei laguntzeko premia sentitzen du Goiekik. Hala, Indargunea zerbitzuaren berri eman nahi dizuegu, zuen interesekoa izango delakoan.

Ideia batzuk dituzu buruan, zure enpresa propioa sortzeko gogoa … baina ez dakizu nondik hasi? Jarri gurekin harremanetan.

2020 urtea eremu guztietan ezin ahaztezina izango da, maila batean edo bestean denongan eragina izan du. Aurretik inoiz ikusi ez bezala osasuna eta ekonomia jokoan jarri dituen krisia izan da eta pertsona asko egoera larrian jarri dituena.

Asteak aurrera egin ahala eta modu batean edo bestean normaltasun berri baten beharrarekin denok egoera berrira egokitu behar izan gara geure bizitzekin aurrera jarraitu ahal izateko.
Atal honi dagokionez, gezurra badirudi ere, garai zail hauetan hainbat sustatzaileen animoa gogor iraun du eta esfortzu eta motibazioarekin euren negozioak abian jarri dituzte.
Jarraian, 2020an enpresa ekimen berrien eremuan lan egindako emaitza batzuk azalduko ditugu:

- Kontsulta kopurua: 71
- Landutako bideragarritasun planak: 41
- Sortutako enpresak: 24
- Sortutako lanpostuak: 34
- Inbertsio maila guztira: 374.802€
- Emakume sustatzaileak: %60
- Gizonezko sustatzaileak: %40
- Ikasketa maila: %53 Goi mailako ikasketak
- Adina: %36 25-35 urte bitartean

Agindu honen xedea da Euskal Autonomia Erkidegoan toki-garapenari lagunduko dioten turismo-negozio berriak sortzen laguntzeko oinarriak ezartzea, baita turismo-enpresen lehiakortasuna hobetzen laguntzera bideratutako jarduketak ere, guztia ere berrikuntza teknologikoaren babesarekin; halaber, haien kalitatea hobetu nahi da, eta turismo jasangarriko eta eskuragarriko eredu baterantz bideratu, baldin eta diruz laguntzeko honako ildo hauetan sartzen badira:

● Turismo-negozio berriak sortzeko ekintzailetza.

● Turismo-enpresen lehiakortasuna hobetzea.
Euskal Autonomia Erkidegoan kokatutako turismo-enpresek 2020ko urtarrilaren 1etik abenduaren 31ra egindako eta fakturatutako jarduerak lagungarriak izango dira ondorengo linearen baten badaude:

a) Turismo-negozioko berriak sortzea, I. eranskinean zehaztutako ezaugarrien arabera (baldin eta jarduera ekonomikoen gaineko zergan alta eman badute 2018ko urtarrilaren 1aren ondoren eta 2020ko abenduaren 31aren aurretik.)

b) Turismo-enpresen lehiakortasuna hobetzea, II. eranskinean zehaztuta ezaugarrien arabera eta honako xede hauek bilatzen dituztenak:

● Turismo-enpresen eta -zerbitzuen berrikuntza, soluzio teknologikoen bitartez;

● Turismo-enpresen eta -zerbitzuen kalitatea hobetzea eta optimizatzea (2017. urtea baino lehenagotik hobekuntzaren xedeko negozioan edo establezimenduan turismo-jardueran dihardutela egiaztzen duten enpresak);

● Eskaintza turismo jasangarrira, arduratsura eta eskuragarrira bideratzea.

  pdf Laburpen fitxa (542 KB)

Lanbidek proiektu berriak sendotzeko laguntza eskaintzen du ekintzaile berrientzat. Diru laguntza hauek proiektu berri baten sorreran sustapen-, funtzionamendu- eta kudeaketa gastuak ordaintzeko aukera ematen du.

Eskaera-aurkezpen epean 2019ko urriaren 15ean hasiko da eta 2019ko azaroaren 14an bukatuko da.

2019ko ekitaldian, Euskal Autonomia Erkidegoko (EAE) hiri-inguruetan merkataritza-ekintzailetza sustatzeko emango diren laguntzak arautzea da programa honen helburua.

Amaia Ayerbe Ataundarra da, Giza Dietetika eta Elikaduran Diplomatua (EHU) eta Nekazal Ingeniari Teknikoa Elikagai Industrien espezialitatean (UPNA).

Beti elikagai eta elikadurari lotuta egon bada ere, urte luzez lehen sektoreko enpresa eta elkarteetan lanean ibili da.

Orain nutrizio eta osasun gaietara bueltatu nahi du bere proiektu propioa garatuz. 

Zorte hoberena opa diogu!

1- Zer eskaintzen du zure enpresak?
Nire enpresak kalitateko jostun lanak eskaintzen ditu, izan ere arreta pertsonalizatua, prezio ekonomikoa eta segurtasuna eskainiz. Guzti hori ticketean islatua dago.
2- Zerk bereizten zaitu gainerakotik?
Beste lantegi batzuekin daukadan desberdintasuna dendan sartu bezain laster nabaritzen da. Lantegia eskatzen didaten beharren arabera lan egiteko josteko makina desberdinez prestatua daukat, denda barruan intimitatea eduki dezakete daukadan aldagelan aldatuz, itxaron espazio bat daukat kafemakina batekin,baita komuna ere. Garbiketa garrantzitsua da eta dendako usaina ere, izan ere gureak sartzera gonbidatzen zaitu.
Bezeroak prezio-zerrenda ikusi dezake eta giro ona dago, segurtasuna eta lasaitasuna ematen dituena. Dena oso txukun antolatua dago eta oso garbi.
3- Zergatik erabaki duzu enpresa bat sortzea? / Zer bultzatu duen horretara?
Enpresa hau herrian nabarmendutako beharrean pentsatuz sortu dut. Lokal komertzial bat hartzea iruditzen zitzaidan formula egokiena zela jarduera hau aurrera eramateko. Publiko guztiari irekita, eta etxe pribatu batera joatea baina erosoagoa dela iruditzen zait. Horregatik Atelierra sortu dut ordutegi finko batekin guztientzat zabalik egongo dena publiko eta definituta dauden ordutegiaren barruan.
Jostun lanak egitean sentitzen dudan pasioak bultzatu nau negozioa zabaltzea. Oso zoriontsu sentitzen naiz, lasai nago eta lan honek bizi-kalitate hobea eskaintzen dit.
Denda garbi dago eta lana garbia da, negozioa martxan jarri aurretik nuen lana ez zen batere garbia eta ordu asko sartzen nituen egoera gogorretan.
Gustatzen zaidan lana egitea eta jendea dendara gustura datorrela ikusteak ematen didan pozak aurrera egitea bultzatzen dit.
4- Zein dira aurkitu dituzun oztopoak?
Negozioaren hasieran izan ditudan oztopo nagusiak finantzaketa falta eta bidean aurkitu ditudan hainbat pertsonen konfiantza eza izan dira. Proiektua bideragarria ez zela ikusten zuten pertsonak zeuden eta nire negozio ideia errentagarria ez zela ikus arazi nahi zidaten.
Proiektuko bigarren etapan, behin enpresa eratuta, informazio okerra eta gestoriarekin edukitako komunikazio gaizki ulertuak izan dira nire oztopo handienak. Baina nire izaera borrokalariari esker, hesi guztiak gainditzea lortu dut.
5- Ze laguntza izan dituzu enpresa bat sortzeko orduan? / Zer da gehiago balioetsi duzuna? / Zeren falta somatu duzu?
Jatorritik izan ditudan bi laguntza bakarrak nire lagunengatik jasotako animoak eta Goiekin eskaini didaten informazio guztia izan dira. Eman behar zen pauso bakoitzaren gainean informatu didate.
Mailegua eskatzea erabaki nuen entitate finantzieroko zuzendariak nire proiektua aurrera ateratzeko egin duen borroka guztia ere asko balortzen dut. Babes hori daukazula ikusteak ilusioasko egiten du.
6- Zer aholku emango zenioke hasiko den norbaiti?
Pertsona ekintzaile gisa zure bezeroei zerbitzu ona eskaintzeko gai zarela seguru bazaude eta aurrera egiteko indarra daukazula uste baduzu, negozio baten hasiera oso gogorra delako, borrokatu egin beharra dago. 
Negozioaren hasieran autonomoei gertatzen zaiguna hasieran dena ordainketak egin eta dirua gastatzea delaren sentsazioa edukitzea da, baina gustuko duzun zerbait egiteko, borrokatu egin behar duzu. Zuk sortutako lanpostura zoaz eta gauzak ondo egiten badituzu, jendeak esfortzu hori eskertzen du eta horrek zoriona eta lasaitasuna ekartzen dizkizu, niri bizitzan gehien gustatzen zaidana jostea baita.
Negozio bat hasteak zure alboan zein dagoen ikusaraziko dizu, eta horrek batzuetan etsipenak ekarriko dizkizu, baina Goiekikoak eta benetako lagunak bezalako jende apartak bide guztian alboan edukitzea eta baloratzea ekarriko dizkizu. Negozio baten hasiera gogorra da, baina ederra ere, asko ikasten duzulako eta pertsonak nolakoak garen konturatzen zarelako.
Benetan gustuko duzun gauza bat egiten baduzu, bizitzan lortuko duzu, batez ere maitasunez eta dedikazioz egiten badira, gauza txar guztiak desagertzen joango dira.

10.000 enpresa baino gehiagok jaso dute jada SPRI – Inplantalariak “aholkulari teknologiko”en eskutik antolatzen den eta neurrira egindako aholkularitza teknologikoa.

Goiekin aholkularitza ematen dizugu.

Kultura Ekintzailea sustatzeko helburuarekin, Goieki azken urteetan eskualdeko hainbat ikastetxeetan sentsibilizatzeko jardunaldiak egiten ari da. Proiektu ezberdinen bitartez parte hartzen ari diren ikastetxeak Oianguren Institutoa, Jakintza Ikastola, La Salle eta Goierri Eskola dira.

Goiekik OngiEtorri Ordiziara! Programan parte hartu du.

Goieki-k eta Goierri Eskolak urteak daramatzate elkarlanean kultura ekintzailea lantzen. Honen helburua eskualdeko hainbat ikastetxeetan kultura ekintzailea sustatzea eta sentsibilizazio jardunaldia egitea da. Azken urteetan enpresek dituzten proiektu ezberdinen bitartez landuz.

Goiekik ekintzaileei beren enpresa-proiektua abian jartzen laguntzen die. Baina pausoa eman eta ideia negozio bihurtu aurretik, bideragarritasuna aztertu behar da, izan ere, oso garrantzitsua da negozio ideia bideragarria izatea errealitate bihurtu aurretik.

Komunikazioaren alorrean urrats berri bat eman nahi izan dugu; hori dela eta, WhatsApp zerbitzua abiarazi dugu. Honen bidez Goiekiko Ekintzailetza arloarekin zuzenean harremanetan jartzeko aukera izango da. Horretarako 943 16 18 31 telefono zenbakira idatzi ahal izanez.

Seguru behin baino gehiagotan entzun duzula ziurtagiri digitalari buruz hitz egiten eta zer den, behar duzun edota edukitzera behartuta zauden galdetu zarela.