Industria

LANAREN ZENTZUA

LANAREN ZENTZUA proiektuaren helburua talentua erakartzea eta bertan gelditzea lortzea da, eskualdeko enpresen lehiakortasuna hobetzeko eta berrikuntza, jasangarritasuna eta erakargarritasuna sustatuz.

Esku-hartzea zuzenean eta banaka egingo da enpresa bakoitzean, Lanaren Zentzua tresnaren bidez, eta lau palanka nagusitan oinarrituko da: Entzutea (Informazioa, Autonomia, Ahalduntzea), Gaitasuna (Prestakuntza), Harremana (Taldea) eta Helburua (Helburua, Kudeaketan parte hartzea).

Gipuzkoako Foru Aldundiko Ekonomia Sustapeneko eta Proiektu Estrategikoetako Departamentuak bultzatutako proiektua, Etorkizuna Eraikiz ekimenaren Think Tank ekimenaren barruan kokatzen dena, etorkizuneko lanari lotutako ekimenak eztabaidatu eta abian jartzeko.

Erronka estrategikoa da Gipuzkoarentzat; izan ere, inplikatutako pertsonek ongizate handiagoa, ihes gutxiago eta absentismo gutxiago esan nahi dute, eta, batez ere, enpresen lehiakortasuna hobetzea (irabaziak malgutasunean, erantzuteko gaitasuna, azkartasuna, kalitatea, produktibitatea...).

Nori zuzendua dago zerbitzua?

Goierrin kokatuta dagoen eta bere enpresaren dinamikak egokitzeko gogoa duen enpresa orori bideratuta dago, jarduera eta tamaina dena dela.

Zer eskaintzen du?

Proiektuaren helburua pertsonen inplikazioa eta ongizatea eta, horren ondorioz, antolaketa-errendimendua hobetzea ahalbidetuko duen ibilbide-orri bat egitea da, lan-testuinguruen berrikuspenaren/hausnarketaren bidez (pertsonentzat "zentzuzko" testuinguruak izan daitezen bilatuz).

Mondragon Unibertsitatearekin lankidetzan definitutako metodologiak garapen pertsonalaren ikuspegi positibo batetik jorratzen du lana, pertsonen lau 'oinarrizko beharrak' asetzera bideratuta, lanari zentzua aurkitzeko eta ongizatea sentitzeko: Autonomia, gaitasuna, harremana eta helburua.

Lan-planak honako hiru faseak ditu:

KONTZIENTZIA HARTZEA. Aurre-diagnostikoa, diagnostiko kuantitatiboa eta analisi kualitatiboaren bitartez, sentsibilizatu eta enpresa osatzen duten pertsonen ikuspegia ezagutzea da.
PENTSAMENDU KRITIKOA LANTZEA. Hainbat lan saiotan enpresako sinesmenen, lan-sistemen eta jarreren inguruko hausnarketa sustatzea.
EKINTZA PLANA PROPOSATZEA: Pentsamendu kritikoaren hausnarketan azaleratutako gaiei erantzuna emateko ekintza plan baten proposamena egitea.

Emaitzak zure negoziorako

Lanaren Zentzua proiektuak pertsonen ongizatea eta enpresaren errentagarritasuna uztartzea bilatzen du eta honako emaitzak izango ditu enpresak:

Enpresako pertsonen ongizatea neurtzea.
Pertsonen behar eta gabeziak ezagutzea.
Lan inguruneari erreparatu eta honen inguruan hausnartzea.
Enpresaren errendimendua hobetzea.
Enpresaren jasangarritasuna bermatuz, eskualdeko enpresen jasangarritasunari ekarpena egitea.
Belaunaldi gazteentzat lan ingurune atsegina sustatzea.