Industria

LAN MENTORING

LanMentoring doako laguntza-zerbitzu espezializatua da, belaunaldien arteko erreleboari beren plantilletan edo, zehazkiago, negozioarentzat kritikoak diren lanpostu jakin batzuetan arrakastaz ekiteko kezka duten ETEentzat, ezagutza modu egokian transferitu eta plantillan gera dadin.

Gure inguruko enpresek berehalako belaunaldi-ordezkapenari egin behar diote aurre, eta beren taldeen zahartzearen erronkari aurre egiten lagunduko dieten tresnak behar dituzte, erreleboari lotutako trantsizio horrek lehiakortasuna galtzea ekarri gabe.

Ekimen hau Lanbidek sustatu du, Innobasque – Berrikuntzaren Euskal Agentziarekin, elkarlanean eta Goiekik enpresei zerbitzu honen onuradun izaten lagundu dakieke. Ekimen honek enpresa txiki eta ertainei beren langileen bizi-zikloa aurreratzen, planifikatzen eta kudeatzeko prozesua garatzen lagunduko die.

Informazio gehigarria jaso nahi izanez gero, jar zaitez gurekin harremanetan.

Nori zuzendua dago zerbitzua?

10 eta 249 profesional arteko plantillak dituzten enpresa txiki eta ertainei zuzenduta dago.
Enpresa horiek Euskal Autonomia Erkidegoan egon behar dira.
Lehentasunez jarduera industrialak, industriari lotutako zerbitzuetakoak, informazioaren eta komunikazioen gizartekoak, logistikakoak eta handizkako merkataritzakoak garatzea.

Zer eskaintzen du?

50 orduko aholkularitza pertsonalizatua, kosturik gabe. Zure neurrira diseinatutako prozesu bat, hiru fasetan:

Diagnostiko azkar bat, zure negozioko prozesu kritikoak eta horietan parte hartzen duten pertsonak zein diren zehazteko.
Aholkularitza pertsonalizatua zure beharrizanak Lanbideren kontratazioko, prestakuntzako eta enpleguko tresna publikoekin lotzeko.
Laguntza zuzena zure taldean aukeratzen dituzun kideentzat, beraiek dauzkaten eta galdu ezin dituzun ezagutza eta esperientzia enpresan gera daitezen.

Emaitzak zure negoziorako

Gehienez ere 6 hilabeteko epean amaituko da prozesua, zerbitzuan zehar planteatutako ekintzetako gutxienez bat eraginkortasunez ezarrita. Zuk erabaki zein edo zeintzuk.
Zure taldeko pertsonak prestatu edo prozedurak sistematizatu ahal izango dituzu, aurrerantzean modu autonomoan garatu ahal izateko antzeko prozesuak.

Zure enpresarako abantailak

Talentua eta ezagutza galtzea saihestea.
Zure negozioko lanpostu gakoen jardunean jarraitutasuna bermatzea.
Zure plantilla motibatzea.
Zure taldeko pertsonen eta sartzen diren berrien garapen profesionala sustatzea.
Lanpostuen deskribapena berrikustea (beharrezkoa bada).