Ekintzailetza

Xedea
Agindu honen xedea da Eusko Jaurlaritzak, Lan eta Enpleu Sailaren bidez, 2022ko ekitaldirako eman ahal izango dituen diru-laguntzak arautzea eta deialdia egitea. Laguntzek honako helburu hauek izango dituzte:

a) Langabeak kooperatiba-sozietateko edo lan-sozietateko forma juridikoa duten enpresetara sartzea , bazkide langile edo lan-bazkide mugagabe gisa.

b) Besteen konturako lan-kontratua duten eta bazkideak ez diren jarduneko langileak sartzea kooperatiba-sozietateko edo lan-sozietateko forma juridikoa duten enpresetara, bazkide langile edo lan-bazkide gisa.

c) Desgaitasuna duten pertsonak bazkide langile edo lan-bazkide gisa enpresaratzea.

d) Nekazaritzan, abeltzaintzan, basogintzan eta jarduera mistoetan diharduten ustiategien titularrak nekazaritza-kooperatibetan sartzea, bazkide gisa.

Prestazio ekonomikoa

Ezarritako epearen barruan beren eskaerak aurkezten dituzten interesdun guztiek, aurreikusitako agirien bidez agindu honetan eskatutako baldintza subjektiboak eta objektiboak betetzen dituztela egiaztatzen badute, 11. artikuluan ezarritako mugen eta zenbatzeko irizpideen arabera dagozkien diru-laguntzak jasoko dituzte.

Diru-laguntzen zenbatekoa eta zenbateko hori zehazteko irizpideak.

1.– Lan eta Justizia Sailak honako zenbateko hauek emango ditu, diru-laguntza gisa:

a) 1.a) artikuluan aurreikusitako kasuengatik: 2.500 euro.

b) 1.b) artikuluan aurreikusitako kasuengatik: 1.500 euro.

c) 1.c) artikuluan aurreikusitako kasuengatik: 2.000 euro.

d) 1.d) artikuluan aurreikusitako kasuengatik: 2.000 euro.

Informazio gehiago

Eskabideak aurkezteko epea 2022ko irailaren 15ean bukatuko da.

Uztailean ere formakuntzen eskaintzarekin jarraitzen dugu, oraingo honetan Instagram sare sozialetan produktuen argazkiak mugikorrarekin kalitatezko amaierarekin burutzeko ikastaroa antolatu da. Ikastaro honek, bide batez, maiatzean burutu zen branding formakuntzari jarraipena ematen dio.

Instagram sare sozialerako formakuntza Berrabiarazi ekimenaren barruan kokatzen da. Hau da, pandemia garaian eskualdeko enpresetan burutu ziren diagnosietan identifikatutako beharrei erantzuna ematen dio.
Sare sozialen erritmo frenetikoaren aurrean, argazki ederrek begirada pausatu eta arreta jartzera gonbidatzen gaituzte, erosleengan interesa sortu eta salmentak burutzeko ateak irekiz.

Ikastaroaren helburua norberaren telefono mugikorra bakarrik erabiliz Instagramerako irudi ederrak ateratzeko oinarrizko teknikak ikastea da. Negozio bakoitzaren argazki-estiloa definitu eta produktuak modu erakargarrian erakutsiz ikusleengan interesa sortzeko ezagutzak eskuratzea, alegia.

Ikastaroa AIZUAIZ enpresak ematen du eta bi prestakuntza saio ditu. Ikastaroak izan duen arrakastaren ondorioz, bi talde egin dira.

Ekintzailea ezinbesteko faktorea da hazkunde ekonomikoa eta aurrerapena bultzatzeko, era horretan enplegu- eta aberastasun-aukera berriak sor daitezen. Horregatik, guztiz beharrezkoa da beren proiektuarekin banaka eta sozialki konprometituta dauden ekintzaileei modu integral batez laguntzea ekintzailetza prozesuaren fase guztietan.

Badakigu autonomoa izatea ez dela batere erraza, eta lan-ordutegia eraginkortasunez kudeatzea gutxiago. Ez dago autonomo mota bakar bat, eta egoera bakoitza erabat desberdina da, baina guztiei arazo bera dagokie, lan-denboraren kudeaketa. Horretarako, hiru trikimailu erabilgarri emango dizkizuegu, lan-ordutegia eraginkortasunez planifikatu ahal izateko.