Goierriko Azoka 2023-2026 estrategia lanketa
Goierriko Azoka proiektua martxan jarri zenetik denbora pasa da, eta egoera ere asko aldatu da. Hori dela eta, Goieki eta BIDARI mahaiarekin elkarlanean, Goierriko Azokak, proiektua gaur egungo testuinguruan kokatu eta 2023-2026 estrategia berria landuko du.
Lanketa honen helburuak ondorengoak izango dira:
• Eskualdeko beharrei erantzunez, Goierriko Azokaren etorkizuna irudikatu, bisio eta helburuak definituz.
• Helburu horiek lortzeko estrategia operatiboak zehaztu.
• Goierriko Azokaren garapen eta hazkunde eredua eraiki.
• Eredu hori abiapuntutzat hartuta, ekintza plana zehaztu eta martxan jarri.
Bisio eta helburuak definitzeko emango den lehen pausoa hausnarketa fase bat izango da. Hausnarketa honetan, barne eta kanpo azterketa bat egingo delarik.
Barne azterketari dagokionez, lantaldearekin hainbat bilera egiteaz gain, Goierriko Azokako parte hartzaile diren negozioekin jardunaldi bat egingo da datorren otsailak 2an. Jardunaldi honek, parte hartzaileen egungo beharrak ezagutu, Goierriko Azokako plataformari dagokionez duten iritzia jaso, eta elkarrekin etorkizuneko bisio eta plan bat sortzea izango du helburu.
Noiz? Otsailak 2, 14:30etatik 16:00etara
Non? GOIEKIn
Zer landuko dugu? Goierriko Azoka plataformaren egungo balorazioa eta etorkizuneko helburu eta beharrak.
Goierriko Azokako parte hartzailea baldin bazara eta jardunaldian parte hartu nahi baduzu, formulario hau bete mesedez: https://forms.gle/fgHVFeoGHf5UWvKZ8
Bestalde, kanpo analisiari dagokionez, hainbat pertsonei elkarrizketa sakonak egiteaz gain, herritarrei eta parte hartzaile ez diren negozioei zuzendutako galdetegiak zabalduko dira. Herritar edo negozio moduan galdetegiak bete nahi izanez gero hemen dituzue eskuragarri:
Herritarrei zuzendutako galdetegia: https://forms.gle/qvfvWB8ZRarC75Ac6
Goierriko Azokako parte hartzaile ez diren negozioei zuzendutako galdetegia: https://forms.gle/23mbMmrX4wB4ca9g7
Animatu eta parte hartu !!