Ekintzailetza-proiektu berriak finantzatzera bideratutako diru-laguntzen deialdia, ekonomia-jarduera eta enplegua sortzea bultzatzeko neurri gisa

Horretarako, hasierako inbertsioen finantzaketa-eragiketen interesak diruz lagunduko ditu, eragiketa horiek Lanbide-Euskal Enplegu Zerbitzuarekin lankidetza-hitzarmena sinatzen duten finantza-erakundeekin gauzatzen dituzten heinean

Lanbidek www.lanbide.net webgunean emango du argitara zer finantza-erakundek sinatu duten lankidetza-hitzarmen hori.

Onuradunak

1.- Deialdi honetan aurreikusitako laguntzetara jo ahalko dute sustatzaileek, baldin eta enpresa edo ekonomia-jarduera berri bat, horren forma juridikoa edozein delarik ere, sortu eta garatzera bideratutako inbertsioak egiteko finantzaketa-akordio bat sinatzen badute Lanbide-Euskal Enplegu Zerbitzuarekin deialdi honetan aurreikusitako laguntzak gauzatzeko lankidetza-hitzarmena izenpetu duten finantza-erakundeetako batekin. Horrez gainera, honako eskakizun hauek bete beharko dituzte:

• EAEn erroldatuta egotea eta benetako egoitza bertan izatea
• Langabea izatea eta Lanbide-Euskal Enplegu Zerbitzuan lan-eskatzaile gisa izena emanda egotea.
• Bideragarritasun-txostena eginda duen enpresa- edo negozio-proiektu bat izatea.
• Jarduera berriari Jarduera Ekonomikoen gaineko Zergaren (JEZ) zein epigrafetan emango zaion alta, aurreko bi urteetan epigrafe horretan aurretiaz alta emanda egon ez izana
• Nork bere enpresa edo negozioa sortzeko konpromisoa hartzea, jarduera berri hori ez den beste ezein jardueratan aritu gabe.
• Diru-laguntzaren xede izango den enpresa-jarduerari 2 urtez eusteko konpromisoa hartzea, JEZen alta ematen den egunetik zenbatzen hasita.
• Zerga-betebeharrak eta Gizarte Segurantzarekikoak egunean izatea.
• Zigor- eta administrazio-arloan diru-laguntza edo laguntza publikoak lortzeko aukera gatzeko zigorrik jaso ez izana

2.- Deialdi honetan aurreikusitako laguntzak emateko, aurreko atalean deskribatutako pertsona onuradunek honako eskakizun hauek bete beharko dituzte:

• Enpresaren egoitza fiskala eta soziala EAEn ezartzea.
• Laguntza emateko ebazpena jakinarazten denetik hilabeteko epean, JEZan alta ematea.
• Langile Autonomoen Araubide Berezian alta ematea, laguntza emateko ebazpena jakinarazi ondorengo hilabetean.

Diruz lagun daitezkeen finantza-eragiketak

• Maileguaren gehienezko zenbatekoa: 50.000 euro sustatzaile bakoitzeko; zenbateko horrek inolaz ere ezingo du gainditu proiektuaren inbertsioaren % 95.
• Epea: 5 urte, gehienez ere. Maileguen kasuan, epe horren barruan sartzen da maileguaren lehen 6 hileetako gabealdia.
• Epemugak: gutxienez, hilean behingoak.
• Eragiketei aplikatuko zaien gehieneko interes-tasa: % 7ko UTB, komisio eta gastu mota guztiak barne.

Ez da inolako berme edo abalik eskatuko, eta ez zaie ikerketa- edo irekiera-komisiorik aplikatuko.

Finantza-errentamendu bidez finantzatutako aktibo finkoei dagokienez, pertsona onuradunak ondasun hori erosten bukatzeko aukera gauzatu beharko du, nahitaez.

Diru-laguntzaren zenbatekoa

Finantza-erakundeekin sinatutako hitzarmenaren babesean onartutako finantza-eragiketan adostu diren interesen eta % 4ko interesen arteko aldea izango da Deialdi honen babesean emango den diru-laguntzaren zenbatekoa. Zenbateko hori Europar Batasuneko Aldizkari Ofizialean argitaratutako interes-tasa nominala aplikatuz eguneratu egingo da.

Diru-laguntzaren zenbatekoa finantza-mailegu edo -errentamenduaren hasierako kapitala amortizatzeko aplikatuko da.

Informazio gehiagorako sakatu hemen

PDF-a jeitsi