Enpresa Ekimen Berrien XVIII. ekitaldia uztailak 15ean izango da IGARTZA Jauregian. Bi izango dira banatuko diren sariak, Enpresa Ekimen Berriko Proiektu Onenarena eta Enpresan Buruturiko Proiektu Berritzaile Onenarena.
Lehenengoaren helburuak ekintzailearen irudia sustatzea, eskualdean lana eta aberastasuna sortzea eta urteko proiekturik onena saritzea dira.
Bigarrenean, helburuak enpresei berrikuntza prozesuak martxan jarri ditzaten eragitea eta inbertsioen gauzatzea erraztea, enpresek berritzeko egindako ahaleginak eta euren aldetik aurrera eramaniko ekintzak aintzat hartu eta publikoki zabaltzea eta enpresa goierritarrak are lehiakorragoak izaten laguntzea dira.
