Aurtengo urtea oso garrantzitsua da Goiekirentzat, izan ere 25. urteurrena ospatzera goaz. 1993an, eskualdeko udal, enpresa, sindikatu eta beste hainbat eragileren eskutik Goierriko Ekimena sortu zenez gero, eskualdeko egoera sozio-ekonomikoaren garapenerako eragile nagusietako bat bilakatu gara. Gaur egun 19 udalerrik osatzen dute Garapen Agentzia eta lau arlo estrategiko lantzen ditu: Industria, Turismoa, Ekintailetza eta Gizartea eta Ingurumena.
Berriro ere, Goierri eskualdea Fiturren da Euskadiko stand-aren baitan, Madrilen (Ifeman) gaurtik igandera arte ospatuko den azokan. Ohiturari jarraiki ostirala arte azokako ateak profesionalei soilik irekiko zaizkie, asteburuan izango delarik irekiera publikoa.
Erantzunkidetasun Sozialaren proiektua Goierriko kooperatiben arteko elkarlanari esker sortzen da. Proiektua, "Gipuzkoako lehiakortasuna eta lurralde kohesioa sustatzeko programa" deialdian Gipuzkoako Foru Aldundiaren bitartez fonantziatua izan da.
Pasa den azaroaren 29an hasiera eman zitzaion 2017-2018 ikasturteko Mentoring proiektuari. Hirugarren urtea da ekimen hau martxan jartzen dela. Proiektua, Industria Foroaren barnean definitutako ekimena da. Proiektuaren helburua, ikasleen zeharkako konpetentziak garatzea da.
Goierriko eskualdean martxan den Industria Foroaren ekimena eta filosofia Goierriko eskualdean lurralde dinamika berritzailea sortu eta sendotzea da, hau da, Industria eta eskualdeko beste eragile batzuen arteko dinamika bultzatzea. 2014ko irailean, Industria Foroaren baitan, industria garapenaren inguruan garaturiko hausnarketak, eskualde mailan indartu beharreko lan-ildo zehatz bat adostea ekarri zuen: etorkizunean eskualdeko eragile ekonomiko izango direnetan arituko diren pertsonen konpetentzia transbertsalak edota oinarrizko zehar-konpetentziak indartu beharra. Hausnarketaren ondorioz, gaitasun horietako asko bizitzako lehen urteetan garatzen direla (Lehen Hezkuntza edota Bigarren Hezkuntzan) argi geratu zen.
