Gipuzkoako Foru Aldundiaren proposamena da Elkar-EKIN LANEAN enplegagarritasun eta aktibazio inklusiborako estrategia. Estrategia honen testuinguruan antzeman da langabezian dagoen pertsonen ehuneko handi batek, oinarrizko formakuntzarik ez duela eta behar horri erantzuna emateko, eskualdez eskualde proiektu desberdinak bultzatzen ari da Gipuzkoako foru Aldundia.
Goiekik, Asmube Emakumeen Elkartea, Oriako Lamiak, Murumendi ikastetxea, In Group, CAF, Bareak merkatari elkartea, Beasaingo Udala eta Aldundiarekin batera, Herrilab ekimenaren talde eragilean parte hartzen du.
Goierriko enpresen egoera azpimarratzekoa da. Izan ere, eskualde honetan punta-puntako enpresa-sarea dago, mundu mailan aitzindari diren enpresa ugari ditu, baina beren lanpostuak lor ezinak dira gizarte-bazterketako egoeran edo arriskuan dauden taldeentzat. Horregatik, beharrezkoa da konponbideak bilatzea jarduera ekonomikoko beste esparru batzuetan.
Lanbideren Enplegua sustatzeko toki-ekintzetarako 2021eko dirulaguntzen deialdiaren xedea da Euskal Autonomia Erkidegoko toki-erakundeei laguntzak ematea, enplegua sortzeko proiektuak abian jar ditzaten.
Herrilab proiektu pilotu bat da, Gipuzkoako Foru Aldundiaren eta Beasaingo Udalaren arteko lankidetza hitzarmen baten bidez garatu dena, emakumeei eta gizonei bizitza pertsonala, familia eta lana uztartzen laguntzeko ekintzak sustatzeko. Proiektua Goiekirekin elkarlanean gauzatu da martxan jarri zenetik.
