Urtarrilean Goierriko eskualdean martxan jarri zen Lorezaintzara zuzendutako enplegagarritasun eta aktibazio inklusiborako ikastaroari itxiera eman zaio martxoak 31an.
Urtarrilaren 17an, Goierri Eskolan oinarrizko konpetentzien ikastaroak gainditu ondoren 10 parte hartzaile lorezaintzako formakuntza jasotzen hasi ziren Fraisoro Eskolan (Zizurkil). Bertan, Lorezaintzako alderdi teoriko praktikoa jaso zuten, hilabete bateko iraupenarekin. Bitartean Goiekiko instalazioetan, astelehenero, Emplea fundazioaren eskutik, parte-hartzaileek enplegura bideratutako jarrerak eta ekintzailetzako tresnak garatzeko eta lan munduratzeko gaitasunak eskuratzeko lanketan jardun dute.
Formakuntzaren ostean, martxoak 1ean, Goierriko udal desberdinetan banatuta praktikaldiari hasiera eman zioten 8 lagunek, ordu arte jasotako ikaskuntzari bide emateko aukera izanik.
Hilabetez aritu dira Goierriko lorezaintzako enpresa eta udal brigadetan lanean bertako zereginei erantzunez.
Praktikaldian zehar, parte hartzaile bakoitzaren jarraipena gauzatu da Goieki eta arduradunen artean. Ibilbide guztian zehar, orokorrean oso balorazio positiboak jaso dira, parte hartzaileen jarrera zein lana goretsiz.
Martxoaren 31an izan zuten praktiketako azken eguna. Jarraian, arduradunei, 15 item barne hartzen dituen balorazio fitxa bat luzatu zaie, parte hartzaileen alderdi tekniko zein pertsonalaren balorazio espezifikoa adierazten dutenak. Emaitzak oso positiboak izan dira.
Aipatu beharrekoa da, 2 parte hartzaileri epe laburreko kontratua egin zaiela eta aurrera begira, formakuntza ezberdinekin jarraitzeko lanketan ari garela.
“Lorategiak eta berdeguneak instalatu eta mantentzea” laneratze proiektuan ondorengo eragileak parte hartu dute:
• Caritas
• Goierri Eskola
• Sarea fundazioa
• Prospektiker
• Enplea fundazioa
• Goieki
Proiektuaren inguruan gehiago jakin nahi baduzu, hemen uzten ditugu egindako hainbat komunikazioen estekak:
Goierri Telebista:
Gipuzkoako Hitza:
- https://gipuzkoa.hitza.eus/2022/03/11/paretak-eraisten-laguntzeko/
