Enplegu eta Gizarte Politiketako sailak Euskal Autonomia Erkidegoko esku-hartze sozialaren eremuan hirugarren sektoreko jarduerak sustatzeko diru-laguntza programa abiarazi du, esku-hartze sozialeko jarduerak burutzen dituzten irabazi-asmorik gabeko erakundeei bideraturiko bi diru-laguntza lerro zabalduz.
Goierriko Gizarte Kontseilua berrabiarazteko helburuz abenduaren 10ean, osteguna, eguerdiko 12etan ospatuko da lehen saioa.
Goiekik historikoki landu izan ditu arlo sozialaren inguruko gaiak eta helburu horrekin zerbitzu eta tresna ezberdinak eskaini izan ditu. Krisi ekonomikoaren ondorioz izandako murrizketak direla medio ordea, azken urteetan, 2006. urtean abian jarri zen Eskualdeko Gizarte Kontseilua bertan behera utzi behar izan zuen Goiekik. Organo honen garrantzia kontuan izanik, 2015. urte honetan, eskualdeko Udaletxeek hartutako akordioz, Goiekiren baitan eskualde mailan Gizarte Arloa koordinatzeaz arduratuko den pertsona bat kontratatzea erabaki da, bere ardura nagusia Eskualdeko Gizarte Kontseilua berrabiarazi eta dinamizatzea izango delarik.
