Ingurumena 7 Ekodiseinua

Eusko Jaurlaritzako Ingurumen eta Lurralde Politika Sailak bultzatu nahi du ingurumen-inpaktua beren bizi-ziklo osoan murrizten duten produktu eta zerbitzuen komertzializazioa. Helburu horrekin, ekodiseinuko proiektuak egiteko laguntzetarako deialdi bat egin du. Eskualde Garapeneko Europako Funtsak (EGEF) kofinantzatutako deialdia 60 mila euroko diru-zuzkidura du. Laguntzen eskaria aurkezteko epea 2016ko maiatzaren 3an bukatuko da.

Ingurumen-laguntzetarako deialdi berri hau ondoren adierazitako sektoreetako balio-kateetako ETEeizuzentzen zaie lehentasunez, baina ez modu esklusiboan: garraioa (automobilgintza, trenbidea, aeronautikoa, itsasokoa); energetikoa eta berriztagarriak; ekipo osagarriak, makineria eta makina-erreminta; elektrikoa – elektronikoa; ingurumen-teknologien fabrikazioa; habitata, altzariak eta ontzikiak. Baldintza da ekodiseinuko proiektu bati aurreneko aldiz heltzea.

Diruz lagundu daitezkeen proiektuak aukeratzeko baloratuko diren irizpideen artean, honako hauek dira azpimarratzekoak: berrikuntza maila (ekodiseinatuko den produktu/zerbitzuaren kategoria, eta bizi-ziklotik hobetu nahi diren faseak); murriztu daitekeen ingurumen-inpaktuaren gradua; enpresaren lehiakortasunari egiten zaion ekarpena; enpresaren tamaina eta sektorea; eta balio-katea proiektuan integratzea.

Laguntza hauek eskura dezaketen proiektuak erakundearen laguntza-eskaria aurkeztu eta gero hasten direnak izango dira soilik. Aukeratzen diren proiektuek gehienez 12 mila euroko laguntza eskuratu ahal izango dute.

pdf PROYECTOS DE ECODISEÑO 2016 (373 KB)