Goierriko eta Tolosaldeako garapen agentziek antolatutako saioan Uraren euskal agentziak (URA) eskualde hauetako udalei Oria ibaiaren ibai-ibilguan eta ertzeetan batera lan egiteko protokoloa aurkeztu die.
Apirilaren 7an argitaratu zen Gipuzkoako aldizkari ofizialean 2016ko tokiko agenda 21ak garatzeko diru-laguntzak eta oinarri arautzaileak. Diru-laguntza hauen xedea tokiko Agenda 21etako ekintza planetan jasotako garapen iraunkorra sustatzeko jarduerak gauzatzea, eta tokiko edo eskualdeko ekintza planen idazketa edo berrikuspena egitea da.
Energiaren Euskal Erakundeak, Eusko Jaurlaritzako Ekonomiaren Garapen eta Lehiakortasun Sailaren mendeko erakundeak, aurten ere diru laguntzen programak jarri ditu martxan energia eraginkortasuna hobetzeko eta energia berriztagarrien alorreko instalazio berriak sustatzeko. EHAAn argitaratutako diru laguntza programa horietara 10 milioi euro bideratuko dira. Diru horren bidez, zenbait sektoretan energia eraginkortasuna hobetzeko 1.100 proiektu baino gehiago bultzatuko dira, 14.000 etxetresna elektriko ordezkatuko dira, eta horien ordez eraginkortasun handikoak merkaturatzen lagunduko da eta energia berriztagarrien alorreko 170 instalazio berri egiteko aukera emango da.
Apirilaren 7an argitaratu zen Gipuzkoako aldizkari ofizialean energia berriztagarrien erabilera eta aurrezpen zein eraginkortasun energetikoa bultzatzeko diru-laguntzen oinarri arautzaileak eta 2016ko deialdia.
Martxoan zehar, Oria garaian ageri diren espezie inbaditzaileak erradikatzeko seigarren programaren baitan 700 ale autoktono baino gehiago landatu dira. Programa honen xedea ibar basoaren egoera ekologikoa hobetzea eta espezie inbaditzaileen hedapena murriztea da.
