Energiaren Euskal Erakundeak –Ekonomiaren Garapen eta Lehiakortasun Sailaren mendeko Eusko Jaurlaritzaren energia-agentziak– 2015eko maiatzetik irailera bitarte 11 laguntza-programa jarriko ditu abian energia aurrezteko inbertsioak eta proiektuak ez ezik, energia berriztagarrien inbertsioak eta proiektuak ere babesteko.
Foru Aldundiak, hiri hondakinen sortze-prebentzioaren, berrerabilpenaren eta birziklatzearen arloko jarduerak gauzatzeko diru-laguntzen 2015eko deialdia eta oinarri arautzaileak argitaratu berri ditu.
Diru-laguntza hauen entitate onuradunen artean udalak, udaleko erakunde autonooak eta udalerriko edo eskualdeko merkataritza sozietateak daude.Diruz lagunduko diren jardueren artean hurrengoak daude: herriko eraikinetan eta instalazioetan argiterian aurrezpena, eraginkortasun energetikoa eta energia berritzaileak instalatzea. Eskaerak aurkezteko epea zabalik egongo da Maiatzaren 30era arte.
Tokiko Agenda 21eko Ekintza Planean jasotako ekintza zehatz bati erantzuna eman eta ingurumen hobekuntza etengabean eta iraunkortasun printzipioetan aurrera egiteko helburua duten jarduerak bultzatzea da diru laguntza hauen xedea. Eskaerak aurkezteko epea zabalik egongo da ekainaren 8ra arte.
Ingurumenaren alde jarduerak burutzen dituzten irabazi asmorik gabeko talde eta elkarteei lehia sistemaren bidez diru laguntzak emateko epea zabalik egongo da maiatzaren 14ra arte.
