Pau Béarn Pyrénées mankomunitatean izan da Goieki beste hiru garapen agentzirekin batera, bertako garapen eredua ezagutu eta erakunde eta enpresa elkarteekin harremanak estutzeko helburuz, etorkizuneko elkarlaneko proiektuak identifikatze aldera.
Garapen (Euskadiko Garapen Agentzien Elkartea) azken hilabeteetan Frantziako Akitania Berria eskualdeko Pirinio Atlantikoetako departamentuko Pau Béarn Pyrénées Communauté d'Agglomération-go Erakarpen eta Garapen Ekonomikoko zuzendaritzarekin, proiektuak identifikatzeko, lanean ari da.
Pau hiriak 160.000 biztanle ditu (departamentuak, berriz, 600.000) eta ekonomia jarduera nekazaritzako elikaduraren, aeronautikaren eta geozientziaren sektoreetan garatzen da, baita sektore digitalean ere.
Garapenen misioaren helburua: garapen ekonomikorako estrategia ezagutzea eta zenbait eragilerekin harremanetan jartzea izan da: Pau Béarn Pyrénées Communauté d'Agglomération, Chambre de Commerce de Pau-Béarn, IPREM eta Technopôle Hélioparc.