HAZINNOVA doako aholkularitza eta laguntza zerbitzua da lana antolatzeko modu berriak edo zeure enpresako produktu eta zerbitzuak merkaturatzeko modu berriak ezartzeko.
8 arlo ezberdinetan eskaintzen da laguntza:
- EKONOMIKO-FINANTZARIOA: Enpresaren kudeaketa ekonomiko finantzario eta estrategikoa hobetzea, errentagarritasuna kontrolatzeko.
- PRODUKZIOA: Produkzio prozesuak hobetzea, enpresaren produktibitatea, kalitatea, iraunkortasuna edo segurtasuna handitzeko.
- PERTSONAK: Pertsonen kudeaketa nabarmen hobetzea, beren konpromiso eta motibazioa handitzeko.
- BEZEROAK: Bezeroen inguruko ezagutza, bilketa, arreta eta leialtasuna hobetzea, merkatu-kuota handitzeko.
- LOGISTIKA: Hornikuntza- edo banaketa-katea hobetzea, entrega-epeak murriztu eta bezeroei zuzendutako zerbitzua hobetzeko.
- BARNEKO ADMINISTRAZIO PROZEDURAK: Administrazio prozedurak berriz diseinatzea, enpresaren eraginkortasuna hobetze aldera.
- MERKATU BERRIAK: Produktu eta zerbitzuak (berriak edo badaudenak) merkatu berrietara egokitzea (nazionalak, nazioartekoak edota sektore berriak), edo enpresaren marketina egokitzea, merkatu geografiko edo bezero segmentu berrietara zabaltzeko.
- PRODUKTUA: Produktu mailako konponbideak identifikatu eta ezartzea, negozio-bolumena handitzeko aukera izateko.
Informazio gehiago behar izanez gero, bisitatu HAZINNOVA programako web orrialdea: https://www.spri.eus/laguntzak/hazinnova/