Scottish Development International, Eskoziako nazioarterako garapen agentziako bi kide, Paul O’Brien eta Anusha Appadoo, eta Edinburgoko Unibertsitateko ikertzaile Henry Jeffrey Goierri bisitatu zuten Apirilaren 24ean.
Berrikuntzako, Landa Garapeneko eta Turismoko diputatu Jon Peli Uriguenek eta Goiekiko lehendakaria Igor Egurenek harrera egin zieten Eskoziako ordezkariei Goierri Eskolan. Ondoren, ordezkariek SDIren lana azaldu zieten jardunaldiko partehartzaileei eta Gipuzkoako energía alorreko zenbait enpresen aurkezpena jaso zuten.
Eguerditik aurrera Irizar Forge, Indar eta AMPOk jaso zuten delegazioaren bisita.
Ekimen honen bidez, Gipuzkoako energia sektoreko ehun industrialaren lagin bat bertatik bertara ezagutzeko parada izan zuten eskoziar ordezkariek.
Delegazio hau Goiekik sustatutako eta Gipuzkoako Foru Aldundiak finantzatutako Gipuzkoa-Eskozia proiektuaren barruan garatu da.