Pasa den urriaren 14an, Eusko Jaurlaritzako Ekonomiaren Garapena eta Lehiakortasunerako sailak eta SPRIk antolatutako Basque Industry 4.0 jardunaldian izateko aukera izan genuen. Jardunaldi honek Industria 4.0 gaiaren inguruan sakontzeko aukera eman zuen, moda bat baino gehiago izatetik errealitate bat bihurtzeko zantzuak dituelako alde batetik eta Eusko Jaurlaritza eta euskal enpresak apostu sendoa egiten ari direlako bestetik.
Jardunaldian zehar, besteak beste, Goierriko bi enpresen kasuak ikusteko aukera izan genuen, ORKLI eta IRIZAR.
