GARAITUZ
Azken urteetan bizi izan dugun krisiarekin lotuta eta Gipuzkoako enpresa handietako baten erorketarekin batera, inguruko enpresa hornitzaileen menpekotasuna agerian geratu eta enpresa txiki eta ertain askoren negozioa ixteko arrisku larrian izan ziren.
Menpekotasun horri aurre egiteko asmoz, enpresa txiki eta ertainak indartu eta trebatzea beharrezko ikusi zenez, Gipuzkoako Foru Aldundiak EHU, TKnika eta tokian tokiko garapen agentziekin batera Garaituz Programa jarri du martxan.
HELBURUAK
Programaren helburua Gipuzkoako enpresa hornitzaileak sendotzea da, enpresa txiki eta ertainek ikuspegi askotan izan ditzaketen menpekotasunak murriztuz. Honetarako hiru ildo nagusitan banatu da programa enpresako: epe laburrean jarraipena ziurtatzea, lehenik; kudeaketa eredu bat definitu eta zehaztea, bestetik; eta bere lehiakortasuna hobetzea, azkenik.
PROIEKTUAREN LERROAK
2014ko azarotik 2015eko abendura arte martxan izango den programa honen helburuen arabera, programak hiru lan ildo izan ditu:
- Bideragarritasun plana martxan jartzea, enpresaren jarraipena epe ertainean bermatzeko asmoz. Lanketa hau enpresa barnean burutu da, aditu baten eskutik.
- Kudeaketa eredua definitzea eta ezartzea, enpresetan dinamika eraginkor eta efizientea markatuz, hauen kudeaketa egokia izan dadin. Lan hau EHUk burutu du, horretarako ikasle eta irakasleen lana ezin bestekoa izan da.
- Produkzio lehiakortasuna hobetzea, enpresak ekoizten duenaren balio erantsia handitu asmoz. TKnikako kideek enpresaz enpresa lan egin dute nolabait enpresei afera horretan lagundu asmoz.
LORTUTAKO EMAITZAK
Goierrin bederatzi enpresa txiki eta ertainek hartu dute parte. Orain arte egindako lanari esker, enpresa batzuek arlo komertzialari dagokionez bezero kopurua handitu dute, enpresaren egitura osatu, estrategia definitu, hainbat zertifikazio lortu, etab. egin dute. Bestalde, EHUko bi ikaslek lan-postu bana lortu dute parte hartu duten enpresa banatan.
PARTE-HARTZAILEAK
INFORMAZIO GEHIAGO
Informazio gehiagorako: Ane Urteaga (
- Last updated on .