"Zure bezeroak Adimen Artifizialarekin konkistatu" tailerra Goiekin: enpresen digitalizazioa bultzatzen
Azaroaren 7an, Goiekiren instalazioetan "Zure bezeroak Adimen Artifizialarekin konkistatu" izeneko tailer praktikoa jaso zuten. Saio hau autonomo eta ekintzaileei zuzenduta egon zen, beren negozioaren hazkunderako tresna estrategiko bihur daitekeen Adimen Artifiziala nola erabili ikasteko helburuarekin.
Jardunaldia Spri-ren Inplantalariak TIC programaren baitan antolatu zen, eta sei ekintzailek parte hartu zuten. Bertan, beren enpresa-proiektuetan IA modu eraginkor eta seguruan nola txertatu ikasi zuten.
Inplantalariak zerbitzuak aholkularitza pertsonalizatua eskaintzen du, teknologia digitalak modu eraginkorrean ezartzea errazteko. Horrela, enpresei laguntzen die euren behar teknologikoak zehazten eta eraldaketa digitalaren prozesua bizkortzen.
Tailerrean, parte-hartzaileek modu praktikoan ikasi zuten nola lagun dezakeen IAk presentzia digitala indartzen eta merkataritza-estrategia hobetzen, honako ekintzen bidez:
- Marketin-plan pertsonalizatuak sortzea, interes eta helburuen arabera.
- Bilatzaileentzat optimizatutako webguneak diseinatzea.
- SEO posizionamendua hobetzea IA erabiliz.
- Edukiak automatikoki sortzea sare sozial eta blogetarako.
- Irudi eta bideo promozionalak sortzea adimen artifizialeko tresnekin.
Topaketa, gainera, esperientziak partekatzeko eta teknologia-joera berrienak ezagutzeko gune egokia izan zen; joera horiek bezeroak erakartzeko eta fidelizatzeko modua eraldatzen ari dira.
Goiekitik, enpresei eta ekintzaileei animatzen diegu baliabide hauek erabiltzen jarraitzera, eraldaketa digitala sustatzeko eta gero eta teknologikoagoa den ingurune honetan lehiakorrak izaten jarraitzeko.
