Ateak Ireki programaren baitan Goierrira iritsi ziren 37 gazte estatubatuarrek igandean amaituko dute egonaldia
Gazte hauek Goierriko familietan egin dute hiru asteetako egonaldia eta ekintza ugari egin dituzte Lazkaoko Maizpide barnetegiaren eskutik, euskal kulturan murgiltzeko helburuarekin.
Hiru aste hauetan, goizez Euskara ikastaroak jaso dituzte eta arratsaldez aipatutako ekintza egitarau zabal bat gauzatu dute, asteburuetan aldiz, Goierriko familiekin pasa dute denbora.
Uztailak 15ean, larunbata, agur jaialdia ospatuko dute egitasmoan parte hartu duten gazte eta familiek. Eguardian, gazteen eta familien arteko jolasak egingo dituzte, agur ekitaldi batekin batera. Ekitaldiaren ondoren, bazkaria egingo dute eta agur jaialdia borobiltzeko, AIKO taldearen emanaldia, Lazkaoko erraldoiak, buruhandiak eta zezen suzkoaz gozatzeko aukera izango dute.