Goierrik Lurralde Garapenerako Agentzien III. Topaketa Iberoamerikarraren bisita jaso du
2025eko apirilaren 8an, asteartea, Goieki, Goierri Valley eta Goierri Fundazioaren izenean, ohorea izan genuen Lurralde Garapena Sustatzen duten Agentzia eta Erakundeen III. Topaketa Iberoamerikarraren ordezkaritza Goierrin hartzeko. Topaketa hau “Ekintzailetza eta Berrikuntzarako Lurralde Ekosistemak” izenburupean egin da.
Nazioarteko misio tekniko hau UIM (Unión Iberoamericana de Municipalistas), FIAPRODET (Lurralde Garapenerako Agentzien eta Erakundeen Iberoamerikako Foroa) eta GARAPEN (Garapen Agentzien Euskal Elkartea) erakundeek koordinatu dute. Misioan parte hartu dute Argentina, Kuba, Kolonbia eta Peruko garapen agentzia eta sare nazionaletako ordezkariek, baita Espainiako Eskualde Garapen Agentzien Elkarteko (Foro ADR) kideek ere.
Bisitak jatorria du aurreko urtean Argentinan abiatu zen elkarlan proiektu batean. Bertan parte hartu genuen Goiekitik, GARAPENen eskutik egindako misio batean, eta lankidetza bideak ireki genituen harreman instituzional berriak ezarriz.
Gure helburu nagusia bisita honetan izan zen Goierrin garatutako ekimenak partekatzea, eta gaur egun arte eratutako ekosistema erreal eta iraunkorraren adibide onak erakustea.
Bisita Goieki-ren instalazioetan hasi zen, Adur Ezenarro Agirre, Goiekiko presidenteak, eta Iker Galparsoro, Goiekiko zuzendari nagusiak, ongietorria eman ondoren. Ondoren, Iker Galparsorok 1985-2025 aldian Goierrin garatutako Tokiko Garapen Ereduaren aurkezpena dinamizatu zuen.
Jarraian, Carlos Ormazabal, Goierri Fundazioaren zuzendariak, hitzaldi bat eskaini zuen. Ondoren, Goierri Fundazioaren instalazioak bisitatu genituen, Goierri Eskolako zuzendari nagusia den Jorge Mancisidor eta Mikel Azkarate, Ikasketa burua, gure gidari izan zirela. Bisitan zehar, fundazioaren eginkizuna azaldu ziguten: hezkuntza, berrikuntza eta enpresa arteko lotura estrategikoa sendotzea.
Topaketa honek berretsi digu esperientziak partekatzea eta sarean lan egitea ezinbesteko tresnak direla lurralde erresiliente, berritzaile eta gizatiarragoak eraikitzeko. Goierri, beraz, bere garapen eredua mundura zabaltzen jarraitzen du, elkarlanaren, sustraitzearen eta etorkizunerako ikuspegiaren bidetik.
