Goiekik martxan jarri du 2026ko plana
Goiekiren administrazio kontseiluak abenduaren 16an onartu du 2026ko Kudeaketa Plana, garapen agentziaren sail ezberdinek elkarlanean egindako lanaren emaitza. Dokumentuak datozen hilabeteetan eskainiko diren zerbitzuak eta garatuko diren proiektu estrategikoak jasotzen ditu, Goierriren garapen sozioekonomikoa sustatzeko helburuarekin.
Eskualdearen etorkizuna eta bizi-kalitatea erdigunean
1993an sortu zenetik, Goiekik interes orokorreko jarduerak bultzatzen ditu Goierriko 18 udalek osatutako erakunde publiko gisa. Agentziaren helburua argia da: eskualdearen etorkizuna eta goierritarren bizi-kalitatea bermatzea, industria sendoa, ekintzailetza aktiboa eta turismo jasangarria oinarri hartuta.
Industriaren garapena
Industria arloak hainbat proiektu abiatuko ditu 2026an, gehienak Goierri Valley elkartearen markoan. Nabarmenenak:
- ETE Digitala eta Betek: digitalizazio eta berrikuntza teknologikorako bide-orri pertsonalizatuak.
- Nazioartekotzea: Argentinan hasitako misioari jarraipena, Fadelra erakundearekin elkarlanean.
- Barnekintzailetza eta Lanaren zentzua: enpresetan berrikuntza sustatzeko eta talentua erakartzeko zerbitzu berriak.
- Lan Mentoring: ezagutza kritikoaren transferentzia sistematizatzeko laguntza.
- RLBO 360º, Eraikuntza industrializatua, Azoketan eta Nor da nor? bezalako proiektu estrategikoak.
Ekintzailetza: 30 urteko esperientzia eta zerbitzu berriak
Goiekik ekintzaileei laguntzen jarraituko du enpresa-ideiatik hasi eta kontsolidaziora arte. 2026an:
- Enpresa Ekimen Berrien lehiaketaren 29. edizioa egingo da, hiru kategoriatan.
- Bidari lantaldea indartuko da, kontsumo lokala eta merkataritzaren digitalizazioa sustatuz.
- Zerbitzu berri bat abiatuko da negozioen jarraikortasuna eta transmisioa errazteko.
Egitasmo bateratzaileak
Goierri BarNETik egitasmoaren bidez, eskualdeko gobernantza eredu berria garatzen jarraituko da. 2026an, hiru erronka nagusi exekutatzen eta zehazten jarraituko da:
- Energia
- Landa garapena
- Zaintzaren misioa
Horrez gain, Goiekik gizarte arloko proiektuak garatuko ditu beste eragileekin elkarlanean: ElkarEkin, Hazilan+ eta 18 udalek osatuko duten Enplegu Plan berria.
Lau ardatz estrategiko
Goiekiren jarduna lau lan-ildo nagusitan egituratzen da:
- Industria: lehiakortasuna eta enpleguaren iraunkortasuna.
- Ekintzailetza: ekimen berriak eta berrikuntza sustatzea.
- Turismoa: eskaintza dibertsifikatzea eta sektorearen lehiakortasuna indartzea Goiturren bidez.
- Eskualdeko zerbitzuak eta proiektu estrategikoak: BarNETik, Enplegu Plana, Energia bulegoa eta gizarte arloko ekimenak.
Harremanetarako
Zure erronkei aurre egiten laguntzeko prest daude Goiekin: 👉 www.goierri.eus/harremana
- Industria arloa: Xabier Perez –
Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. / 943 16 00 40 - Ekintzailetza arloa: Maialen Sanchez –
Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. / 943 16 18 31
