Uda iristean, tenperaturak igo egiten dira eta askotan etxeetako elektrizitate kontsumoa ere bai. Goierriko Energia Bulegotik aholku batzuk partekatu nahi ditugu, modu eraginkor batean etxea fresko mantentzen lagunduko dizutenak, argindar faktura gehiegi handitu gabe.
1. Ordurik freskoenetan aireztatu
Aireztatu etxea goizean goiz eta gauean. Egunez, mantendu pertsianak eta gortinak itxita, batez ere hegoaldera eta mendebaldera begira dauden leihoetan, beroa sar ez dadin.
2. Etxetresnen erabilera mugatu
Etxetresna elektrikoek beroa sortzen dute. Horien erabilera mugatuta edota ordutegia zainduta, ez da handituko etxea hozteko beharra.
3. Sukaldea modu eraginkorrean erabili
Bitrozeramika motako sukalde elektrikoetan, itzali plaka janaria prestatzen amaitu baino 5 minutu lehenago. Horrela, hondar-beroa aprobetxatuko duzu eta energia aurreztuko duzu.
4. Janaria hozkailuan desizoztu
Janaria zuzenean hozkailuan desizozten baduzu, doako hotz-irabaziak izango dituzu, hozkailuaren kontsumoa gutxituz.
5. Izozkailua beteta eduki
Izoztuta dauden elikagaiak hotz iturri bat dira eta produktu berriak hozten laguntzen dute. Horri esker, izozkailuaren kontsumo elektrikoa txikiagoa izango da.
6. Ur beroa ez alferrik erabili
Ez eragin txorrotei ur beroaren posizioan ur beroa behar ez baduzu. Mantendu hotzaren posizioan.
7. Autokontsumoa aprobetxatu
Eguzki-panelak badituzu, momentu egokia da egunean zehar sortutako energia aprobetxatzeko. Saiatu etxetresna elektrikoen erabilera (garbigailua, ontzi-garbigailua…) eguzkiaren ordurik altuenetara egokitzen.
