Gipuzkoako Foru Aldundiko Mugikortasuneko, Turismoko eta Lurralde Antolaketako Departamentuak "Jarri zure bizikleta prest MUGIrekin" ekintza zabaldu du. Aurtengo edizioan Gipuzkoako 20 herritara iritsiko da, irailaren 15etik, astelehena, 24ra, asteazkena.
Ekimen honekin, furgoneta-tailer baten bidez, bizikletak konpontzeko oinarrizko zerbitzua eskainiko die MUGI txartel pertsonalizatua aurkezten duten pertsona guztiei. Gainera, Gipuzkoako Garraioaren Lurralde Agintaritzarekin (GGLA) lankidetzan, beharrezko laguntza eskainiko zaie MUGI txartela eskatu nahi duten pertsona guztiei.
Goierri eskualdean doako zerbitzu hau ondorengo datan eta herrietan eskainiko da:
IRAILAK 24, asteazkena
- Beasain. Erauskin plaza. 10:30etik 14:00etara.
- Ordizia. Plaza Nagusia. 16:00etatik 20:00etara.
(Ikusi beheko irudian Gipuzkoako herri eta data gehiago.)
Ekimen hau Mugikortasunaren Europako Astearen barruan sartzen da, eta garraiobide jasangarriagoak erabiltzeak dakartzan onurei buruzko sentsibilizazioa du helburu, bereziki garraio publikoa, bizikleta eta oinez egindako joan-etorriak, bai ingurumenerako, bai osasun publikorako onuragarriak direlako.
