Urtero bezala, Goiekik Ongi Etorri Ordiziara! programan parte hartu du
Ongi Etorri Ordiziara! ordiziar berri guztiek Ordiziako baliabideak eta zerbitzuak ezagutaraztea helburu duen proiektu bat da. Bi hilabetez, astean bi saio antolatuz, hainbat jarduera eta hitzaldi egin dira ordiziar berriei ezagutzera eramateko.
Bertan, Goieki, kultura ekintzailea sustatzeko eta eskaintzen ditugun zerbitzuak ezagutarazteko asmoz, hitzaldi bat ematera hurbildu gara. Goieki zer den, hura osatzen duen saila eta haren eginkizunak azaltzeaz gain, enpresa bat abian jartzeko ibilbidea eta egin beharreko urratsak azaldu ditugu.
Ekintzailetza-sailaz gain, aurten Elkar-EKIN gizarte-sailak lantzen duen programa berria aurkeztu dugu. Azken hilabeteotan antolatu diren prestakuntza-ibilbideen berri eman eta 2024an landuko diren proiektu berriak aurkezteko aukera izan dugu.
Zortzi pertsonak hartu dute parte hitzaldi honetan, eta enpresa-munduko esperientziak eta galderak argitu ahal izan dituzte.