Ingudeak, 2011. urtean sorturiko Goierriko enpresen Euskara Batzordeak, topaketa bat antolatu du lan munduan euskararen erabilera sustatzeko interesa duten erakunde eta pertsonei zuzenduta. Euskara lanabes hartuta, elkarlanean, lan munduan euskararen erabilera normalizatzeko bidean pausoak ematea du helburu, lantegietan zein gizartean eraginez.
Ekitaldian aukera izango da Goierriko AMPO, CAF, Ederfil Becker eta Irizarren euskara sustatzeko egin diren praktika zehatzen berri izateko, eta baita lantokietan euskararen erabilera bultzatzea helburu duten pertsonek elkar ezagutu eta beraien arteko sinergiak indartzeko ere.
Jarraian eguneko egitaraua:
- Noiz: abenduaren 1ean.
- Ordua: goizeko 9:30etan. Aurkezpenak entzun ondoren hamaiketako txiki bat egiteko tartea, 11:30ak arte.
- Lekua: GOIEKIren egoitzan (Arranomendia 5, Ordizia)
Topaketan parte hartu nahi baduzu, eman izena hemen: www.labur.eus/ingutopa
Zatoz Goierriko enpresen euskara batzordeak antolatutako topaketara!
