Lanbidek, Euskal Enplegu Zerbitzuak, belaunaldi-erreleboa eta adinaren kudeaketarako zerbitzua abiarazi du. LanMentoring-ek doako laguntza-zerbitzu espezializatua eskaintzen die Euskadiko enpresa txiki eta ertainei, beren plantilletan edo, zehatzago, beren negoziorako kritikoak diren zenbait lanpostutan belaunaldi-erreleboa arrakastaz jorratzeko, ezagutza modu egokian transferitu eta plantillan gera dadin.
Belaunaldi-ordezkapena berehalakoa da EAEko enpresa-sarean. Horrenbestez, enpresetako taldeen zahartzearen erronkari aurre egiten lagunduko dioten tresnak behar dira, erreleboari lotutako trantsizioak lehiakortasuna galtzea eragin ez dezan.
Ekimen pilotu honen bidez –Lanbidek sustatuta, Innobasque - Berrikuntzaren Euskal Agentziarekin lankidetzan–, enpresa txiki eta ertainei beren plantillen bizi-zikloari aurrea hartzen, planifikatzen eta kudeatzen lagunduko dien prozesua erraztu nahi diegu.
Goiekitik zerbitzu honetara bideratzeko lehen pausoak ematen lagundu zaitzakegu. Ikusi zerbitzua.
