Goierriko Energia Bulegoak arreta-egutegi berria ezarri du
Urtarrilaren 19tik aurrera, Goierriko Energia Bulegoaren arreta zerbitzuak egutegi berria du, Goierriko Kontsumitzaileen Bulegoarekin bateratuta. Hemendik aurrera, bi zerbitzuak egutegi eta kokapen berean eskainiko dira, herritarrei arreta eraginkorragoa eta antolatuagoa eskaintzeko helburuarekin.
Aurrerantzean, bi zerbitzuak —energia bulegoa eta kontsumo bulegoa— Goierriko Garapen Agentziatik, Goieki, kudeatuko dira eta Sara Irastorzak eskainiko ditu.
Zerbitzuak, zertarako?
Goierriko Energia Bulegoa:
- Argindar eta gas fakturak ulertu, aztertu eta optimizatu.
- Tramiteen kudeaketan lagundu: kontratu aldaketa eta potentzia aldaketa.
- Bono sozialaren eta dirulaguntzen inguruko informazioa eman.
- Energia aurrezteko aholkuak eman.
Goierriko Kontsumitzaileen Bulegoa:
- Hiritarrek, ondasunak erostean eta zerbitzuak erabiltzean, kontsumitzaile eta erabiltzaile gisa dituzten eskubideak nola babestu behar dituzten azaltzeko.
- Kontsumitzaile eta erabiltzaileen kexak eta erreklamazioak jaso eta dagokien entitate eta erakundeetara bideratzeko.
Egutegi bateratua: non eta noiz?
Bi bulegoak honako ordutegi eta kokalekuetan eskainiko dira:
Goizeko arreta (10:00–14:00):
- Ordizia: astelehena eta asteazkena
Udaletxea — Kale Nagusia, 24 - Beasain: asteartea eta ostirala
Martina Maiz, 3 - Lazkao: osteguna
Udaletxea — Euskadi Enparantza, z/g
Arratsaldeko arreta (15:00–17:00):
— Udako ordutegian izan ezik (2026ko ekainak 22tik 2026ko irailak 11 arte, biak barne) —
- Goieki, Ordizia: astelehenetik ostegunera
Arranomendia 5, NBF eraikina
Hitzordua hartzeko beharra
Zerbitzuaren antolaketa egokia bermatzeko, aurretiko hitzordua hartzea derrigorrezkoa izango da, bai energia bulegorako, bai kontsumo bulegorako.
Harremanetarako datuak:
- Telefonoa: 843 739 988
- Kontsumo bulegoa:
Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. - Energia bulegoa:
Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.
Goierriko herritarrei arreta emateko konpromisoa berresten dugu, egutegi berritu honen bidez zerbitzua hobetuz eta erraztuz. Bi zerbitzuetan arreta zuzena eta doakoa emango da.
