Skip to main content
Sorrera

2015. urtean zehar Gipuzkoako Foru Aldundiak aurrekontu parte- hartzaileen prozesua jarri zuen martxan Goierrin. Parte-hartze prozesuan zehar herritarrek energia gaien inguruan zuten kezka plazaratu zuten. Goierritarrek argi adierazi zuten energiaren planifikazio eta kudeaketa publiko baten beharra, jasangarriagoa eta sozialagoa izango den eredu baterantz joateko beharra.

Ondorioz, 2017. urtean zehar Gipuzkoako Foru Aldundiko Jasangarritasun departamentuko diru-laguntzari esker Goierriko Energia Plana (2018-2025) garatu zen. Plan honen baitan eskualdearen diagnostikoa irudikatu zen eta hurrengo zazpi urteetarako lerro estrategikoak eta ekintza zehatzak definitu ziren eskualdeko eragile ezberdinen artean.

Hau sortu ostean, eskualdeko udal ordezkariek beharrezkoa ikusi zuten epearen erdialdean planaren berrikusketa egitea, eta 2021ean eskualdeko Energia Planaren eguneraketa egin zen. Burututako eguneraketan eta eskualdean egin zen pobrezia energetikoaren azterketan, Energia Bulegoa argi eta garbi errepikatu den erronka da. Argi ikusi da, herritarrei nahiz udaletako langileei energiaren inguruko zalantzak argitzeko edota laguntza eskatzeko erreferentziazko leku bat falta zaiela.

Energiaren sektoreak bizi duen egoera kontuan izanda, aholkularitza edota laguntza hori jaso ahal izateko puntu bat izatea gero eta garrantzitsuagoa izango da, eta zer esanik ez pobrezia energetikoan bizi diren ikuspegitik. Hori horrela, administrazio publikoak zeregin eta aukera garrantzitsua du herritarrei nahiz udal langileei laguntza eta aholkularitza eskaintzeko. Egoera hau ikusita, Goiekik, Goierriko 18 udalekin eta Gipuzkoako Foru Aldundiko Jasangarritasun departamentuarekin elkarlanean, Goierriko Energia Bulegoa sortu eta martxan jarri du.

Ekimenaren jatorria

Energia Mahaia

Energia Plan hau sortzeko prozesuan, eskualdeko Energia Mahaia sortu zen non Goieki koordinazioaz arduratzen da. Mahai honetan parte hartzen duten eragileak eskualdeko 18 udalak eta Goieki dira. Mahai honek eskualdeko eragile ezberdin guztien artean ekintzak koordinatzen laguntzen du eta erakundeen arteko koordinazioa (Ihobe, EVE, Eusko jaurlaritza, Gipuzkoako Foru Aldundia, etab.) errazten du.

Ekintza plana

Urte hauetan zehar, Gipuzkoako Foru Aldundiko Jasangarritasun departamentuarekin hitzarmenak sinatu dira, ekintzak departamentuak berak finantzatuz.

Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. | 943 16 09 70
Goierri Berrikuntza Gunea, NBF Eraikina Arranomendia 5, 20240 Ordizia

Astelehena - Osteguna
08:00 - 13:00 | 14:00 - 17:30
Ostirala
08:00 - 14:00