Enpresa Ekimen Berrien 23. Lehiaketa eta COVID-19

Hitz hauen bitartez eskerrak eman nahi dizkiegu, beste behin ere, Goierriko enpresa ekimen berrien lehiaketan sinestu eta babesa eman diguten enpresei. Urteak daramatzate eskualdeko ekintzailetza proiektuak errealitate izateko laguntza eta babesa ematen (23 urte).

Lehiaketa honen helburua bere jatorritik sustatzailearen irudia sustatu, berrikuntza eta enpresen garapena bultzatu, eta azken finean eskualdean enplegua eta aberastasuna sortzea da. Goiekik, enpresa mailan Goierri eskualdean egia bihurtu daitezkeen asmo guztien alde jarri eta bultzatu nahi ditu. Goierriko ekonomia berpizteko eta eguneratzeko kultura indartzea dakarten proiektu guztien alde egin nahi du.

Urtero bezala, Goieki urte hasieratik enpresa ekimen berrien lehiaketaren lehen urratsak ematen hasita zen, besteak beste, sariketa hau babesten duten enpresekin harremanetan jarri, epaimahaiarekin kontaktuan egon, lehiaketaren irudia landu, proiektu interesgarrien aukeraketa egin, etab.

2020ko martxoaren 14an, 463/2020 Errege Dekretua argitaratu zen, Covid19 birusak eragindako osasun-krisia kudeatzeko alarma egoera indarrean jarri zuenetik eszenatoki berri baten aurrean aurkitzen gara eta urtero antolatzen dugun lehiaketa momentu honetan tokiz kanpo gelditzen dela uste dugu hainbat gogoeta egin ondoren.

Goieki bezala egoera honen aurrean zerbait egin behar genuela pentsatu dugu. Azken aste hauetan 100 enpresa baino gehiagorekin egon gara harremanetan euren egoerak eta beharrak gertutik ezagutzeko. Enpresa hauek era guztietakoak (handiak, ertainak, txikiak eta autonomoak) eta sektore guztietakoak izan dira. Enpresen errealitatea alarma egoeratik hasita deseskalada fase honetara asko aldatu da, hauen beharrak eta erronkak aldatzen joan dira eta etorkizunean ere horrela izango da, hilabete zailak izango dira guztiontzat dudarik gabe.

Eskualdeko errealitatea zein den kontuan izanda eta egungo egoerak enpresa ekimen berrietan sortzen ari den kalteak ikusi ondoren, aurtengo enpresa ekimen berrien 23. ekitaldiari beste norabide bat ematea erabaki dugu.

Eszenatoki berri honen aurrean eta egoera ezberdinak baloratu ondoren, era batera edo bestera, 23. ekitaldi honetara enpresek egindako ekarpenak, ezohiko laguntza baten bitartez, enpresa guneetan kokatzen diren enpresei zuzentzea erabaki dugu, euren jarduera eteteak suposatzen dien galerei aurre egin ahal izateko eta enpresa hauen biziraupena bermatzeko.

Aurtengo sariak (11.200€) beraz, Inkubategian kokatzen diren 11 enpresen artean banatu dira, bakoitzaren egoera partikularra aztertu eta beraien jarduera etenda zutela ziurtatu ondoren.

Ordizia, 2020ko ekainaren 2

motibakzioa

Kontakturako telefonoa: 943 16 18 31